Saud Arabystanyna dünýä futbolynyň ýene-de bir ýyldyz oýunçysy ugraýar. Ol «Sewilýanyň» we Marokkonyň milli ýygyndysynyň derwezebany Ýassin Bunu. Bu barada vesti.ru habar berýär.
«Al Hilal» saud kluby Ýassin Bununy toparyna geçirmek hakynda «Sewilýa» bilen ylalaşyk gazandy. Ýakynda 32 ýaşly marokkoly oýunçy 5 ýyllyk şertnama baglanyşar.
Derwezebana şeýle hem «Bawariýa» bilen «Real» klublary hem dalaş edýärdi, emma «Al-Hilal» olardan öňürtdi. Marokkoly derwezebanyň transferi 20 million ýewro barabar bolar. Ýyllyk gazanjy 10 million dollar bolar diýip, championat.com ýazýar.
Ýassin Bunu «Sewilýada» üç möwsüm çykyş etdi. Bu döwürde ol iki gezek Ýewropa ligasyny gazandy. Soňky geçirilen futbol boýunça dünýä çempionatynda Bunu iň gowy derwezebanlaryň üçlügine girdi.
