«Virgin Galactic» kompaniýasy kosmosyň serhedine ikinji täjirçilik uçuşyny amala aşyrdy, 6 adamdan ybarat bolan ekipaž agramsyz gurşawda boldular we Ýere kemçiliksiz dolanyp geldiler.
«VSS Unity» suborbital gämisini göterýän «VMS Eve» uçary Nýu-Meksiko ştatyndaky kosmodromdan asmana göterildi. Kompaniýanyň tehnologiýasyna görä, bilelikdäki uçuşdan soňra «VSS Unity» gämisi göteriji uçardan bölünip aýryldy we ýoluny özbaşdak dowam etdirdi. Ekipaž 188,5 km belentlige çykyp, birnäçe minut agramsyz gurşawda boldy we aşak dolandy.
Ekipaž kompaniýanyň astronawt-instruktoryndan, iki sany uçarmandan, lotoreýadan kosmosa uçmak baýragyny gazanan Karib adalarynyň ýaşaýjysy Antigua Kişa Şahaff, onuň 18 ýaşly gyzy Anastasiýa Meýers, 80 ýaşly britan Jon Gudwin dagydan ybarat boldy. Şeýle hem olardan daşary «VMS Eve» uçarynyň iki sany uçarmany hem bar.
«Virgin Galactic» kompaniýasy birinji täjirçilik maksatly kosmosa uçuşyny iýun aýynda amala aşyrypdy. Kompaniýa ilkinji gezek suborbital uçuşy 2022-nji ýylyň iýul aýynda geçiripdi. Ekipažyň düzüminde kompaniýanyň eýesi, britaniýaly milliarder Riçard Brenson hem bardy. Şondan soň «Virgin Galactic» özüniň dünýäde ilkinji täjirçilik kosmos ýollarydygyny (howa ýollary ýaly) yglan etdi.
