UFC-niň öňki söweşijisi Neýt Dias bilen bloger Jeýk Pol boks söweşi tamamlanandan soň garyşyk başa-baş söweş sungatynyň düzgünleri boýunça rewanş geçirmek barada ylalaşdylar. Bu barada fight.ru habar berýär.
“Men ony MMA-a getirmek isleýärin. $10 mln we PFL-de söweş – ine, meniň teklibim. Gel, ähli zadyň adalatly bolmagy üçin MMA-da söweş geçireli. Men bir gezek ýeňdim, indi seniň öz meýdançaňda ýeňiş gazanmak mümkinçiligiň bolar” – diýip, Pol söweşden soň aýtdy.
“Gel, söweşeli. Bu söweşi Real Fight Inc. (Dias tarapyndan esaslandyrylan promouter kompaniýasy) bilen bilelikde öňe süreris. Men islendik biri bilen söweşerin, maňa tapawudy ýok” – diýip, UFC-niň öňki söweşijisi aýtdy.
Ýatlap geçsek, 5-nji awgustdan 6-njy awgusta geçilýän gije Dallasda boks agşamy geçirildi. Esasy söweşde bloger Jeýk Pol bilen ýakynda UFC-de karýerasyny tamamlan Neýt Dias duşuşdy. Söweş üç minutdan on raund formatynda geçirildi. Söweş 10 raund dowam edip, emin agzalarynyň biragyzdan karary bilen Poluň ýeňiş gazanmagy bilen tamamlandy.
