Aşgabat — Moskwa — Aşgabat ugry boýunça uçuşlaryň wagtlaýyn togtadylmagy bilen baglylykda, «Türkmenistan» awiakompaniýasy 8-nji awgustdan 28-nji awgust aralygynda Kazandan Aşgabada uçuşlarynyň tertibine üýtgeşmeleri girizdi. Bu barada «Türkmenistan» awiakompaniýasynyň Russiýadaky Baş agentliginiň saýtynda habar berilýär.
Uçuşlaryň tertibiniň üýtgemegi bilen, awiakompaniýanyň Moskwadan uçuşlarynyň ählisi Kazanyň Halkara howa menziline geçirilýär. Eýýäm elinde Moskwadan uçuş üçin bileti bar ýolagçylara olary gaýtadan resmileşdirmek hökman däl — bu biletler şol senelerde Kazandan uçmak üçin hem hereket edýändir.
Kazandan Aşgabada uçuşlaryň täze tertibi:
- — sişenbe günleri uçuş 22:45, gonuş 03:55 (ertesi gün)
- — çarşenbe günleri uçuş 22:20, gonuş 03:30 (ertesi gün)
- — anna günleri uçuş 08:35, gonuş 13:45
- — şenbe günleri uçuş 17:10, gonuş 22:20
Sagatlar her şäher üçin ýerli wagt görkezilendir.
8-nji awgustdan ýolagçylary Domodedowo howa menzilinden Kazana eltip bermek hyzmaty hem ýatyrylýar. Ýolagçylar Kazanyň howa menziline özbaşdak barmaly bolar.
