Azerbaýjanyň ikinji uly şäheri Gýanja GDA ýurtlarynyň üçünji oýunlaryny kabul eder. Bu barada Azerbaýjanyň Ýaşlar we sport ministriniň orunbasary Mariana Wasilewa habar berdi diýip, Trend belleýär.
Bu çäre 2025-nji ýyla meýilleşdirilýär. Azerbaýjanyň Milli Olimpiýa komitetiniň baş sekretary Azer Aliýew ýaryşlaryň ýokary hilli guraljakdygyna ynam bildirdi.
Şenbe güni Minskide GDA ýurtlarynyň II oýunlarynyň açylyş dabarasy boldy. Ilkibaşda bu Oýunlar, esasan, ýaşlara gönükdiriler diýlip meýilleşdirilipdi, ýöne çäräniň formaty üýtgedi.
Häzirki wagtda GDA ýurtlarynyň II oýunlary 4-nji awgustdan 14-nji awgust aralygynda Belorussiýanyň 11 şäherinde geçirilýär. Çäre sportuň 20-den gowrak görnüşini öz içine alýar we Russiýa, Belorussiýa, Azerbaýjan, Gazagystan, Täjigistan, Türkmenistan we Özbegistan ýaly dürli ýurtlardan 2 müňden gowrak türgeni jemleýär.
