Belarusda geçirilýän GDA ýurtlarynyň II oýunlarynda sambo boýunça Türkmenistanyň milli ýygyndysynyň wekilleri Batyr Hojamuhammedow we Madina Aýdogdyýewa bürünç medal gazandylar. Bu barada Belta habarlar agentligi habar berýär.
12-nji awgustda geçirilen sambo boýunça ýaryşlarda Batyr Hojamuhammedow 98 kg-dan ýokary agram derejede çykyş edip, bürünç medala eýe bolmagy başardy. Bu agram derejede özbegistanly Nurbe Turaýew altyn, russiýaly Stepan Soldatenkow kümüş medal aldy. Ýene bir bürünç medaly belarusly Dmitriý Hohlow aldy.
Madina Aýdogdyýewa bolsa 59 kg-a çenli agram derejesinde bürünç medal aldy. Bu agram derejede russiýaly Swetlana Uwarowa altyn, belarusly Tatýano Masko kümüş medal aldy. Ýene bir bürünç medaly özbegistanly Ibodathon Agojonowa aldy.
