Günorta Koreýada ýaşlaryň ýarsyndan gowragy «Android» bilen işleýän smartfonlaryň ýerine «iPhone» ulanmagy makul görýärler diýip, lenta.ru habar berýär.
Žurnalistleriň geçiren barlaglarynyň netijesinde «Apple» kompaniýasynyň «Samsung» kompaniýasynyň watany bolan Günorta Koreýanyň bazarynda öňdäki orny eýeleýändigi ýüze çykaryldy. 30 ýaşa çenli ýaşlaryň 53%-i «iPhone» smartfonyny saýladylar.
Statistiki maglumatlara görä, ýurduň ýaşaýjylarynyň 85%-niň ilkinji ulanan enjamy «Android» bilen işleýän smartfonlardyr, emma olaryň köpüsi soňlugy bilen «iPhone-a» geçipdir. Günorta Koreýanyň ýaşaýjylary näme üçin «Android» smartfonlardan «iPhone-a» geçýändiklerini onuň ýokary öndürijiligi bilen düşündirýärler. Şeýle hem onuň kamerasynyň mümkinçilikleri we brendiň abraýy çözgüde täsir edýär.
