Amerikaly söweşiji Jastin Getji Absolýut söweş çempionatynyň (UFC) 291-nji belgili ýaryşynyň esasy söweşinde watandaşy Dastin Porýeden üstün çykdy. Söweş ikinji raundyň başynda Getjiniň Porýeni aýagy bilen nokauta gidirmegi netijesinde tamamlandy.
Bu söweş rewanş söweşi boldy. Birinji gezek amerikaly söweşijiler 2018-nji ýylda ABŞ-nyň Glendeýl şäherinde geçirilen UFC on Fox 29 ýaryşynda duşuşdylar. Şonda Porýe dördünji raundda tehniki nokaut arkaly ýeňiş gazanypdy.
Getji Porýe bilen söweşden öň, 2023-nji ýylyň mart aýynda Azerbaýjanyň wekili Rafael Fiziýewden üstün geldi, ol ýeňşi emin agzalarynyň tapawutly karary bilen gazandy. Indi onuň hasabynda 25 ýeňiş bilen dört ýeňliş bar.
Öň, Porýe watandaşy Maýkl Çendlerden üstün çykypdy, söweş 2022-nji ýylyň noýabr aýynda geçirildi. Indi Porýeniň hasabynda 29 ýeňiş bilen sekiz ýeňliş bar.
