Meşhur amerikaly söweşiji Toni Fergýuson Absolýut söweş çempionatynyň (UFC) Sol-Leýk-Siti amerikan şäherinde geçirilen 291-nji belgili ýaryşynda watandaşy Bobbi Grinden ýeňildi.
Söweş ýaryşyň esasy sanawynyň çäklerinde geçirildi we Griniň üçünji raundda demikdiriji usul arkaly ýeňmegi bilen tamamlandy.
Fergýuson üçin bu ýeňliş eýýäm yzygider altynjy boldy. Bu söweşden öň, 2022-nji ýylyň sentýabr aýynda ol Neýt Diaza garşy söweşip, sambişn arkaly ýeňildi. Indi onuň hasabynda 35 söweş bolup, olaryň 26-sy ýeňiş bilen tamamlandy, dokuz söweşde ol ýeňildi.
Grin karýerasynda 45 söweşe gatnaşyp, şolaryň 30-ysynda ýeňiş gazandy. Şeýle-de, onuň hasabynda 14 ýeňliş bar. Söweşiji 2022-nji ýylyň fewral aýynda ýeňil agramda häzirki çempion Islam Mahaçewden ýeňilmek bilen başlanan ýeňlişsiz tapgyryny kesdi. Şol söweşden bäri ol Drýu Doberden hem ýeňildi, Jared Gordon bilen söweşi bolsa geçirilmedik diýlip kesgitlendi.
