Täze Zelandiýada zenanlaryň arasynda futbol boýunça dünýä çempionatynyň toparçalaýyn tapgyrynyň ikinji aýlawynyň ABŞ-niň we Niderlandlaryň milli ýygyndylarynyň arasyndaky duşuşygy geçirildi. Duşuşyk 1:1 hasabynda tamamlandy. Şeýlelikde, amerikanlar erkekleriň we zenanlaryň arasyndaky dünýä çempionatlarynda yzygiderli ýeňlişsiz duşuşyklarynyň sany boýunça rekordyň eýesi boldular.
Häzirki wagtda ABŞ-niň zenanlar ýygyndysy dünýä çempionatynda yzygiderlilikde 19 oýun bäri ýeňilmedi.
Zenanlaryň arasynda futbol boýunça dünýä çempionaty – 2023 20-nji iýuldan 23-nji awgust aralygynda Awstaraliýada we Täze Zelandiýada geçirilýär. Bu ýaryşa ilkinji gezek 24 däl-de, 32 sany ýygyndy gatnaşýar. Dünýäniň häzirki çempiony hem ABŞ-niň milli ýygyndysydyr. Amerikalylar 2015-nji we 2019-njy ýyllardaky öňki dünýä çempionatlarynda hem ýeňiji bolupdylar. Şeýle-de olara dünýä çempionatynda bir oýunda iň köp pökgi geçirmek rekordy hem degişlidir: geçen çempionatda olar Tailandyň milli ýygyndysyny 13:0 hasabynda ýeňipdiler.
