Ýaponiýaly Naoýa Inoue 55,22 kilograma çenli agram derejesinde Bütindünýä boks geňeşiniň (WBC) we Bütindünýä boks guramasynyň (WBO) dünýäniň çempiony diýen adyna eýe boldy. Ol sişenbe güni Tokioda geçirilen 12 raundly ýaryşda amerikaly Stiwen Fultony 8-nji raundda tehniki nokaut bilen ýeňdi.
Inoue tizliginde garşydaşyndan öňe geçdi we ringde güýji rüstem gelip, her tapgyrda ýeňiş gazandy. Fulton uzak wagtlap häsiýetini görkezdi we duşmanyň ähli zarbalaryna çydady. Emma sekizinji raundyň başynda amerikaly türgen ýykyldy we tutluşygyň ortasynda emin ýaponiýaly türgeniň eden hüjümden soň söweşi togtatdy, Fulton zarbalaryň astynda ringiň burçunda ýere çökdi.
Inoue dördünji agram kategoriýasynda dünýä çempiony boldy. Ondan öň, 48,99 kg-a, 52,16 kg-a we 53,52 kg-a çenli kategoriýalarda guşak gazandy hem-de dünýä çempiony boldy. 30 ýaşly ýaponiýaly türgeniň hasabynda indi 25 ýeňiş bar (22 nokaut bilen), ýekeje ýeňliş hem ýok. Soňky 15 söweşde 14 nokautly we yzly-yzyna 6 ýeňiş gazandy. Inoue 2019-njy ýylda Bütindünýä boks super seriýasynda filippinli türgen Nonito Donaýri utup, ýeňiji boldy.
