«Apple» korporasiýasy ekran çarçuwasy bolmadyk smartfonyň taslamasyny işläp düzýär we onuň önümçiligini 2025-nji ýylda ýola goýmagy maksat edinýär diýip, lenta.ru «The Elec» koreý neşirine salgylanyp habar berýär.
Habarda bellenmegine görä, amerikan kompaniýasy OLED displeýleri bilen esasy üpjün edijiler bolan «Samsung» we «LG Display» kompaniýalaryndan öňdäki ekran panelleriniň täze görnüşlerini sargyt edipdir.
Häzirki wagtda Samsung» we «LG Display» görünýän çarçuwalary bolmadyk OLED displeýleriniň täze neslini öndürýärler. Munuň üçin ekran gyralara tarap biraz eplenýär. Emma «Apple» şeýle displeýleriň ulanylmagyna garşydygyny belledi, çünki şekiliň optiki taýdan üýtgemeginden hem-de öňdäki ekran panelleriniň işleýiş möhletiniň azalmagyndan çekinýärler. Mundan başga-da, kompaniýanyň inženerleri täze displeýiň laýyk gelmeli talaplarynyň meýilnamasyny hödürlediler.
«Apple» korporasiýasynyň ilkinji çarçuwasysyz smartfonynyň 2025-nji ýylda çykmagy mümkindir. Bu täzelik «iPhone 17 Pro» we «17 Pro Max» smartfonlarynda girizilip bilner. Şeýle hem olarda öňdäki ekran paneliniň aşagynda gizlenen «Face ID» biometriki sensoryň ulanyljakdygy bellenilýär.
