Amerikanyň Google korporasiýasy, belli bir mowzuk boýunça maglumat ýygnap we täzelik kontentini döredip bilýän Genesis atly neýroulgamy synagdan geçirýär. Kompaniýa The New York Times, The Washington Post we The Wall Street Journal ýaly birnäçe öňdebaryjy habar beriş serişdelerine algoritmi görkezdi. Bu barada The New York Times neşiri ýazýar.
Genesis žurnalistlere işlerinde kömek etjek gural boljakdygy düşündirilýär. Mysal üçin, AI material üçin iň laýyk ady saýlap biler, maksatly diňleýjiler üçin beýan ediş stilini uýgunlaşdyrar ýa-da bar bolan maglumatlaryň esasynda gutarnykly makalalary döredip biler.
“Bu gurallar, žurnalistleriň özi ýaly, olaryň hekaýalaryny habar bermekde, ýazmakda we gözden geçirmekde möhüm rol oýnamagy maksat edinmeýär we olaryň ornuny tutup bilmeýär. Häzirki wagtda biz AI-gurallaryny žurnalistlere hödürlemegiň mümkinçiliklerini öwrenmegiň entek başlangyç basgançagynda "- diýip, neşir Google-yň wekiliniň sözlerini getirýär.
