Peugeot kompaniýasynyň bölümi bolan Peugeot Cycles 2023-nji ýylyň ahyrynda we 2024-nji ýylyň başynda bazara çykjak elektrikli welosipedleriň täze neslini hödürledi. Täze modelleriň üçlügine nusgawy şäher modeli, maşgala üçin Longtail we Bi-Carrier ýük welosipedleri girýär.
Şäherde ulanmak üçin niýetlenen Digital e-Bike bir adama niýetlenendir. Digital e-Longtail welosipediniň her gapdalynda aýak goýulýan ýeri bolan 2 çaga oturgyjy we eltutar hökmünde demir çarçuwasy bar. Digital e-Front Load ýük welosipedi bolup, ol maşgalada ulanylmaga-da amatlydyr, sebäbi öňünde 3 çaga çenli oturdyp bolýar diýip, döredijiler tassyklaýarlar.
Elektrikli welosipedler adaptasiýa elektrik kömegini, ogurlyga garşy ulgamy, duýduryşlary, welosipediň ýerleşişini, hakyky wagtdaky nawigasiýany, baryljak ýerdäki howa maglumatyny we ugruň statistikasyny öz içine alýan ýörite smartfon goşundysy arkaly täze funksiýalary alar.
Peugeot-yň habaryna görä, Ýewropada elektrikli welosipedleriň satuwy geçen ýyl rekord derejede 5,5 million birlige ýetdi. Köne yklymda satylýan dört täze welosipediň biri elektriklidir.
