Ýewropanyň Futbol Assosiasiýalarynyň Birleşigi (UEFA) 2026-njy ýylyň dünýä çempionatyna Ýewropanyň milli toparlaryny saýlamagyň täze formatyny işläp düzdi.
Report agentliginiň habar bermegine görä, UEFA saýlama ýaryşyny toparlaýyn tapgyra (2025-nji ýylyň mart-noýabr aýlary) we pleý-offa (2026-njy ýylyň mart aýy) bölmegi teklip edýär.
Birinji tapgyryň dowamynda ýygyndylar her biri dört ýa-da bäş topardan ybarat 12 toparça bölner. Kwartetleriň ýeňijileri dünýä çempionatyna göni ýollama alarlar.
Ikinji orunlary eýelän ýygyndylar pleý-offa çykarlar. Şeýle-de, bu tapgyrda dünýä çempionaty üçin saýlama ýaryşynyň toparlaýyn tapgyrynda birinji ýa-da ikinji setiri eýeläp bilmedik, 2024/2025-möwsüminiň Milletler ligasynyň toparlarynyň dört ýeňijisi oýnar. Toparlar dört toparça bölner. Soňra toparlar bir oýunlyk ýarym finallary we bir oýunlyk finallary geçirerler.
2026-njy ýylyň futbol boýunça dünýä çempionaty ABŞ-da, Kanadada we Meksikada geçiriler. Ýaryşa jemi 48 topar gatnaşar.
