Nemes ýarym goragçysy Kaý Hawerts «Arsenal» iňlis kluby bilen şertnama gol çekişdi. Bu barada çarşenbe güni klubuň metbugat gullugy habar berdi.
Habar beriş serişdeleriniň maglumatyna görä, futbolçy bilen şertnama 2027/28 möwsümiň ahyryna çenli niýetlenilip, onuň transferi 75 mln ýewro barabardyr.
Hawerts 24 ýaşynda, 2020-nji ýyldan bäri iňlisleriň «Çelsisinde» çykyş edip gelýärdi. Onuň düzüminde Hawerts 2021-nji ýylda Çempionlar ligasynyň ýeňijisi boldy. Şol duşuşykda ol «Mançester Sitiniň» derwezesine ýeňiş golunyň awtory boldy (1:0). Ondan öň Hawerts «Baýerde» çykyş edýärdi.
Geçen möwsümde Hawerts «Çelside» ähli ýaryşlarda 47 duşuşyga gatnaşyp, 9 gol geçirdi we 1 sany netijeli pas berdi. Germaniýanyň düzüminde ol 37 oýna gatnaşyp, 13 gol we 12 gezek netijeli pas berdi.
