2022/23-möwsüminiň jemi boýunça iň gowy futbolça “Altyn top” baýragynyň gowşurylyş dabarasy 30-njy oktýabrda Parižiň Şatle teatrynda geçiriler. Bu barada “France Football” žurnalyna salgylanyp, rsport.ria.ru habar berýär.
Iň gowy futbolçy üçin baýraga 30 dalaşgärden ybarat sanaw 6-njy sentýabrda yglan ediler.
2022-nji ýylda “Altyn topuň” eýesi karýerasynda ilkinji gezek fransiýaly hüjümçi Karim Benzema boldy. Baýragyň sany boýunça rekord (7) argentinaly Lionel Messä degişli.
“Altyn top” France Football tarapyndan 1956-njy ýylda Ýewropada ýylyň iň gowy futbolçysyna baýrak hökmünde döredildi (sport žurnalistleriniň toparynyň pikirleriniň esasynda). 2010-njy ýylda FIFA we France Football “Altyn top” bilen “FIFA ýylyň oýunçysy” baýraklarynyň birleşendigini habar berdi (milli ýygyndylaryň kapitanlarynyň we tälimçileriniň ses bermegi esasynda kesgitlenýär). 2016-njy ýylyň sentýabr aýynda France Football FIFA bilen hyzmatdaşlygyň bes edilendigini mälim etdi we ýylyň iň gowy oýunçysyny saýlamagyň ilkibaşdaky sistemasyna gaýdyp geldi.
