Türkmenistanyň Prezidenti Serdar Berdimuhamedow Azerbaýjan hem-de Türkiýe bilen söwda-ykdysady hyzmatdaşlyk hakynda Ylalaşygy tassyklaýan Kanuna gol çekdi. Kanunyň teksti türkmen metbugatynda çap edildi.
Resminama Türkmenistanyň, Azerbaýjanyň we Türkiýäniň döwlet Baştutanlarynyň 2022-nji ýylyň 14-nji dekabrynda Türkmenbaşy şäherinde geçen üçtaraplaýyn sammitiniň barşynda teklip edilipdi. Ol üç dostlukly ýurduň arasynda ykdysady hyzmatdaşlygyň işjeňleşdirilmegini göz öňünde tutýar.
Üçtaraplaýyn ylalaşyk dürli ugurlarda sebitleýin hyzmatdaşlygy çuňlaşdyrmak üçin wajyp ähmiýete eýedir we ýurtlaryň özara gatnaşygy giňeltmäge bolan ikitaraplaýyn islegini beýan edýär.
