Trinidad we Tobagonyň wekili Dennis Frensis BMG-niň Baş Assambleýasynyň indiki 78-nji mejlisiniň prezidenti saýlandy.
Degişli beýannama häzirki mejlisiň başlygy, wengriýaly diplomat Çaba Kýörýöşi tarapyndan berildi.
Kýörýöşi: "Men Denis Frensisiň BMG-niň BA-nyň 78-nji mejlisiniň başlygy wezipesine saýlanandygyny yglan edýärin".
Onuň baý bilimleriniň we tejribesiniň bardygyny belläp geçdi.
Frensis hem öz gezeginde Baş Assambleýanyň mejlisinde çykyş edip, ähli wekiliýetleriň deň hukuklarynyň bardygyny ýaylamak bilen, öz borçlaryny ýerine ýetirmegi wada berdi. Onuň BMG-niň Baş Assambleýasynyň işine agzybirligiň we hyzmatdaşlygyň täze öwüsginini getirip biljekdigine umyt bildirdi.
Diplomat parahatçylygyň, gülläp ösüşiň, öňe gidişligiň we durnukly ösüşiň esaslaryny berkitmek üçin bar bolan çemeleşmeleri gowulandyrmak we täzelerini gözlemek niýetini mälim etdi.
Dennis Frensisiň diplomatik gullukda 40 ýyldan gowrak tejribesi bar. Hususan-da, BMG-niň Adam Hukuklary Geňeşinde, şeýle-de BMG-niň Wenadaky we Rimdäki gurluşlarynda işledi.
BMG-niň Baş Assambleýasynyň prezidenti Birleşen Milletler Guramasynyň Baş Assambleýasynyň her umumy mejlisini açýar we ýapýar, Baş Assambleýanyň işini doly dolandyrýar we ýygnaklarynda tertip-düzgüni üpjün edýär. Ol BMG-niň Howpsuzlyk Geňeşiniň hemişelik agzalaryndan beýleki, agza ýurtlarynyň arasyndan bir ýyllyk möhlet bilen saýlanýar.
