Indoneziýada “altyn wizanyň” girizilmegi soňky tapgyrda bolup, geljek hepdelerde işe giriziler. Bu barada ýurduň syýahatçylyk we döredijilik ykdysadyýet ministri Sandiaga Uno salgylanyp, Detic.com habar berýär. Muny RIA.Nowosti ýetirýär.
Ýurtda bäş ýyldan on ýyla çenli bolmak mümkinçiligini berýän wizalar diňe belli bir şertler bilen berler. Mysal üçin, wizany almak isleýän adamyň hasabynda ýeterlik derejede serişde bolmaly.
Sandiaga Uno täze görnüşli wizanyň berilmegi Indoneziýa, aýratynam, Bali adasyna “ynamdar syýahatçylary” çeker diýip umyt edýär. Mundan başga-da, ol şeýle giriş rugsady daşary ýurtly maýadarlar üçin hem gyzykly bolar diýip hasaplaýar.
