Türkmenistan Ministrler Kabinetiniň Başlygynyň orunbasary Nurmuhammet Amannepesow 2-nji iýunda Gyrgyzystanyň Çolpon-Ata şäherinde geçiriljek ÝB-Merkezi Aziýa sammitine gatnaşar. Çärä Gyrgyzystanyň prezidenti Sadyr Japarow ýolbaşçylyk eder. Bu barada Gyrgyz Respublikasynyň Daşary işler ministrliginiň web sahypasy habar berdi.
Şeýle hem sammite Gazagystanyň prezidenti Kasym-Jomart Tokaýew, Täjigistanyň prezidenti Emomali Rahmon, Özbegistanyň prezidenti Şawkat Mirziýoýew we Ýewropa Geňeşiniň prezidenti Çarlz Mişel gatnaşar.
Sammitde häzirki hyzmatdaşlyk we iki sebitiň arasyndaky söwda, syýasy, ykdysady, medeni we gumanitar ugurlardaky perspektiwalar ara alnyp maslahatlaşylar. Möhüm halkara meseleleri we Merkezi Aziýa bilen Ýewropa Bileleşiginiň arasyndaky hyzmatdaşlyk barada pikir alşylar.
Prezident Sadyr Žaparowyň wekiliýetleriň ýolbaşçylary bilen ikitaraplaýyn duşuşyklary geçirjekdigi habar berildi.
Ertesi gün, 3-nji iýunda Ýewropa Geňeşiniň prezidenti Çarlz Mişeliň Gyrgyz Respublikasyna resmi sapary bolar.
