Ýaponiýanyň Honda awtoulag öndürijisi 2026-njy ýylda «Aston Martin» topary üçin hereketlendirijileri öndüriji we üpjün ediji hökmünde «Formula-1» klasynda awtoulag ýaryşyna gaýdyp geler. Bu barada çarşenbe güni awtokonserniň prezidenti Tosihiro Mibe habar berdi.
Mibe: "Honda, hereketlendiriji bilen üpjün ediji hökmünde, 2026-njy ýyldan başlap, “Formula 1”-iň birinjiligi ugrundaky dünýä çempionatyna gatnaşar" - diýdi.
Ol Honda-nyň uzak wagtdan bäri dünýä ýaryşlaryna gatnaşyp, olardaky ýeňişleri arkaly ösen öndürijä öwrülendigini ýatlatdy. Mibeniň sözlerine görä, kompaniýa bilelikde täze topar dörediljek Aston Martin bilen hereketlendirijiler bilen üpjün etmek barada şertnama baglaşmaga razy boldy. "Biz bilelikde ýeňiş gazanmaga çalşarys" – diýip, ol belledi.
Honda soňky bäş ýylda ilkinji gezek “Formula 1”-e gaýdyp geler. 2021-nji ýylda bu konsern Formula 1-den gitmek kararyna gelipdi, şeýle-de bolsa 2025-nji ýyla çenli “Red Bull” we “Alpha Tauri” toparlaryna hereketlendirijileri ibermegini dowam edýär.
