Amerikaly Dewin Heýni 61,23 kg-a çenli agram derejesinde professionallaryň arasynda boks boýunça dünýä çempiony diýen ady gorady. Ýekşenbe güni Las-Wegasda (ABŞ, Newada ştaty) geçirilen 12 aýlawly bäsleşikde eminleriň biragyzdan gelen karary bilen üç agram derejesinde öňki dünýä çempiony, ukrainaly Wasiliý Lomaçenkony ýeňdi.
Eminleriň üçüsi-de ýeňşi Heýnä berdiler - 116: 112, 115:113, 115: 113.
24 ýaşly Heýni 2022-nji ýylyň iýun aýyndan bäri eýe bolup gelýän absolýut dünýä çempiony adyny ikinji gezek gorady. Ol professional ringde ýeňlip görmedi - 30 ýeňiş gazandy (15 nokaut bilen). Amerikaly türgen Bütindünýä boks geňeşiniň (WBC) wersiýasy boýunça 2019-njy ýyldan bäri eýeläp gelýän dünýäniň yzygider çempiony derejesini dördünji gezek, ikinji gezek bolsa Halkara boks federasiýasynyň, Bütindünýä boks assosiasiýasynyň (WBA) we Bütindünýä boks guramasynyň (WBO) guşaklaryny gorady.
35 ýaşly Lomaçenko 2020-nji ýyldan bäri ilkinji gezek dünýä çempiony ady ugrunda göreşdi we amerikaly Teofim Lopesden ýeňlip, WBA-nyň, WBO-nyň we WBC-niň titullaryny elden giderdi. Indi onuň hasabynda 17 ýeňiş (11-si nokaut bilen), 3 ýeňliş bar.
