"Red Bulluň" sürüjisi Serhio Peres "Formula-1" çempionatynyň bäşinji tapgyry bolan Maýaminiň Gran-prisiniň saýlama tapgyrynda ýeňiji boldy. Peres özüniň iň gowy aýlawyny 1 minut 26,841 sekuntda geçdi. Ikinji wagty "Aston Martinden" iki gezek dünýä çempiony Fernando Alonso (+0,361 sekunt) görkezdi, üçlügi "Ferrariden" Karlos Saýns (+0,508) jemledi. Onuň topardaşy Şarl Lekler saýlama tapgyrynyň gutarmagyna iki minut galanda ýoldan çykdy we segment möhletinden öň tamamlandy.
Iň gowy sürüjileriň onlugy şeýle görnüşde:
1. Peres; 2. Alonso; 3. Saýns; 4. Kewin Magnussen ("Haas"); 5. Pýer Gasli ("Alpin"), 6. Jorj Rassel ("Mersedes"); 7. Lekler; 8. Esteban Okon ("Alpin"); 9. Ferstappen; 10. Waltteri Bottas ("Alfa Romeo").
Maýaminiň Gran-prisi ýaryşy ýekşenbe güni Aşgabat wagty bilen 0:30-da başlanar.
