Google kompaniýasy öz saýtynda we Twitterdäki Made by Google resmi profilinde eplenýän Pixel Fold smartfonynyň wideotizerini ýerleşdirdi. Ýerleşdirilen wideo bary-ýogy sekiz sekunt dowam edýär. Onda smartfonyň arka tarapy, şeýle-de onuň açylan ýagdaýa geçiş prosesi görkezilýär diýip, gazeta.ru habar berýär.
Google-yň bu wideosy Pixel Fold baradaky öňki syzylan maglumatlary tassyklady. Has takygy, täze smartfonyň üç esasy kamera, esasy ekranyň giň çarçuwasyna we smartfonyň doly eplenmegi üçin şarnire eýe boljakdygy belli boldy.
Ýöne wideoda diňe ak reňkli Pixel Fold görkezilýär. Internet torunda bolsa gara gurluşy şekillendirýän renderler peýda bolupdy. Bu görnüşiň ahyrynda satuwda peýda boljakdygy ýa-da ýokdugy heniz belli däl.
Twitterdäki täze postunda kompaniýa Pixel Fold smartfonynyň doly derejeli tanyşdyrylyşynyň 10-njy maýda Google I/O konferensiýasynda boljakdygyny tassyklady. Şonda IT ägirdiniň Pixel 7a smartfonyny we kompaniýanyň ilkinji planşeti Pixel Tab-y hödürlemegine garaşylýar.
