5-nji maýda Ýeriň ýaşaýjylary Aýyň ýarym kölegeli tutulmasyny synlap bilerler. Hadysa aşgabat wagty bilen 20:14-den 00:31-e çenli dowam eder we iň ýokary faza aşgabat wagty bilen 22:23-de bolar - şol wagt Aý tegeleginiň demirgazyk gyrasy garaňkyrar.
Aý tutulmasy gözýetimiň ýokarsynda islendik ýerden, şol sanda Antarktidadan, Aziýanyň aglaba böleginden, Günorta we Gündogar Ýewropadan, Awstraliýadan, Afrikadan hem-de Ýuwaş, Atlantik we Hindi ummanlarynyň akwatoriýasyndan görner. Russiýanyň, Taýmyrdan we Çukotkadan başga, sebitleriniň köpüsinde bu hadysa syn etse bolar. Esasy zat - howanyň dury bolmagy.
Şol bir wagtyň özünde, hünärmenler ýarym kölegeli tutulma wagtynda Aý tegeleginiň ýagtylygynyň sähelçe peseljekdigini, ony görmegiň gaty kyn boljakdygyny duýdurýarlar.
"Bu täsir diňe gözleri gaty ýiti ýa-da professional düşürilen suratlarda görnüp biler" – diýip, TASS Moskwa Planetariýasynyň metbugat gullugynda düşündirdiler.
Maýdaky Aý tutulmasy 2023-nji ýylda bolmagy çak edilýän şunuň ýaly iki hadysanyň ilkinjisi bolar. Ikinjisi 28-nji oktýabrda bolmaly.
