Russiýaly Iwan Ýemelýanenko garyşyk başa-baş söweş sungatynda (MMA) ilkinji söweşini braziliýaly Fabio Maldonado garşy geçirer. Söweşijiniň garşydaşyny promouter Wladimir Hrýunow mälim etdi diýip, lenta.ru habar berýär.
Ol duşuşygyň 26-njy maýda Moskwada geçiriljekdigini belledi. Öň, russiýaly söweşijiniň Antonio Silwa bilen söweşip biljekdigi habar berildi.
MMA söweşijileri Aleksandr we Fýodor Ýemelýanenkolaryň kiçi dogany Iwan söweş sambosy boýunça sport ussadydyr. 43 ýaşly Maldonadonyň hasabynda 29 ýeňiş, 6 ýeňliş we deňme-deňlik bar. 2016-njy ýylda braziliýaly söweşiji emin agzalarynyň karary bilen Fýodor Ýemelýanenkodan ýeňildi.
Professional karýerasynda 46 ýaşly Fýodor 7 ýeňlişe sezewar boldy we 40 ýeňiş gazandy. Onuň gatnaşmagynda bolan ýene bir söweş geçirilmedik diýlip yglan edildi. Russiýaly söweşiji Pride we RINGS guramalarynyň çempion titullaryna eýe boldy. 41 ýaşly Aleksandr Ýemelýanenkonyň hasabynda MMA-da 28 ýeňiş, 10 ýeňliş we deňme-deňlik bar.
