Hytaýyň merkezindäki esasy şäher we Şansi welaýatynyň paýtagty Sian ýakyn wagtda Aşgabada we Duşenbä ýük howa gatnawlaryny ýola goýmagy meýilleşdirýär. Bu barada Ösüş we özgertmeler boýunça Sian toparynyň müdiriniň orunbasary Wan Kai habar berdi.
"Ýük ugurlary gaýtadan dikeldildi we açyldy, hem-de biz gysga wagtyň içinde sebitiniň bäş ýurduny doly gurşap almak üçin Merkezi Aziýa ýurtlaryna — Duşenbe, Täjigistana we Aşgabat, Türkmenistana iki sany täze ugry açarys" diýip ol belledi. Bu barada Orient Economic Daily agentligine salgylanyp ýazýar.
21-nji aprelde ilkinji Air China uçary 63 ýolagçyny alyp, Sian - Sýanýan halkara howa menzilinden Gazagystanyň Astana şäherine ugrady. Siandan Almaty, Daşkent we Bişkek şäherine barýan ýolagçy ugurlary şu ýylyň başynda açyldy. Mundan başga-da, Siandan Almaty we Daşkende ýük daşaýyş ugurlary hereket edýär.
Şensi welaýatynyň häkimiýetiniň häkiminiň orunbasary we Sian şäheriniň häkiminiň wezipesini wagtlaýyn ýerine ýetiriji Ýe Nýupin Sianyň ýurduň merkezi şäheri we möhüm derwezesi hökmünde halkara awiasiýa merkezini hem-de China-Europe Express Changan ýük merkezini gurmagy maksat edinýändigini aýtdy.
Sianyň howa menzili ýük dolanyşygynyň ösüşi boýunça Hytaýyň howa menzilleriniň arasynda ilkinji orunlary eýeleýär.
