«Realyň» fransiýaly hüjümçisi Karim Benzema Madridiň futbol kluby bilen şertnamasyny ýene bir möwsüm uzaltdy diýip, “As” neşiri habar berýär. Muny rsport.ria.ru ýetirýär.
Neşiriň maglumatlaryna görä, klub oýunçy bilen şertnamany uzaltmak barada dilden ylalaşyk gazandy. Şol bir wagtyň özünde neşiriň belleýşi ýaly, 35 ýaşly Benzema indiki möwsümiň özi üçin “Realda” iň soňky boljakdygyna düşünýär we topar hüjümi güýçlendirmeli diýip hasaplaýar.
Benzema “Realda” 2009-njy ýyldan bäri çykyş edýär. Topar bilen bilelikde ol Ispaniýanyň dört gezek çempiony, Ispaniýanyň Kubogynyň iki gezek eýesi we Super kubogynyň dört gezek ýeňijisi boldy. Şeýle-de, ol bäş gezek Çempionlar ligasynyň, dört gezekden Klublaýyn dünýä çempionatynyň we UEFA-nyň Super kubogynyň ýeňijisi boldy. 2022-nji ýylyň oktýabr aýynda hüjümçi karýerasynda ilkinji gezek “Altyn topuň” eýesi boldy.
