Döwletmämmet Azady adyndaky Türkmen milli dünýä dilleri institutynda talyplaryň arasynda onlaýn görnüşde iňlis dili boýunça II halkara olimpiada geçirildi. Oňa dünýäniň 35 döwletinden bir ýarym müňe golaý talyp gatnaşdy.
Umumylykda, olimpiada Russiýanyň, ABŞ-nyň, Hytaýyň, Ýaponiýanyň, Beýik Britaniýanyň, Fransiýanyň, Germaniýanyň, Awstriýanyň, Günorta Koreýanyň, Gazagystanyň we beýleki döwletleriň 181 sany ýokary okuw mekdebi goşuldy. Ýaryşda Türkmenistana 25 ýokary okuw mekdebinden 520 sany talyp wekilçilik etdi.
Talyplara 90 minudyň içinde 10 sany meseläni çözmek tabşyryldy. Şeýlelik bilen, talyplaryň okaýşy, grammatikasy we beýleki dil başarnyklary synag edildi. Netijeler awtomatik usulda kesgitlenildi. Reýtingiň esasynda ýaryşyň ýeňijileri ýüze çykaryldy.
Ýaryşda türkmen talyplary dürli derejeli 227 sany medal, şol sanda 31 sany altyn, 52 sany kümüş, 71 sany bürünç medal gazandylar. Daşary ýurtly gatnaşyjylar jemi 87 sany medal gazandylar, şolardan 11-si altyn medal.
