Futbol boýunça Ispaniýanyň çempionatynyň 31-nji tapgyrynda «Žirona» öz meýdançasynda Madridiň «Realyny» ýeňlişe sezewar etdi.
Duşuşyk 4:2 hasabynda tamamlandy. «Žironanyň» düzüminde Walentin Kastelýanos poker etdi (12-nji, 24-nji, 46-njy we 62-nji minutlar).
24 ýaşly argentinaly futbolçy XXI asyrda La Ligada «Realyň» derwezesine dört gol geçirmegi başaran ilkinji oýunçy boldy.
Madridlileriň düzüminde gollary Winisius we Lukas Waskes geçirdi.
Ondan öň, Dortmundyň «Borussiýasynyň» hüjümçisi Robert Lewandowskiý Çempionlar ligasynyň 2012/2013 möwsüminiň ýarym finalynda «Realyň» derwezesine dört gol geçiripdi.
Häzirki möwsümde «Real» Ispaniýanyň çempionatynda 65 utuk bilen ikinji orunda ýerleşýär. «Žirona» 41 utuk bilen dokuzynjy orny eýeleýär.
