Absolýut söweş çempionatynyň (UFC) çempiony Islam Mahaçewiň gatnaşmagynda ýeňil agramda geçiriljek söweş 21-nji oktýabrda Abu-Dabidäki UFC 294 turniriniň esasy wakasy bolar. Bu barada The MMA Hour bilen söhbetdeşlikde öňki söweşiji Çeýl Sonnen habar berdi. Muny rsport.ria.ru ýetirýär.
Mahaçew 31 ýaşynda, onuň hasabynda garyşyk başa-baş söweşde 24 ýeňiş we bir ýeňliş bar. Russiýaly yzygider 12 söweşde ýeňiş gazandy. Ol 2022-nji ýylyň 22-nji oktýabrynda braziliýaly Çarlz Oliweýrany ýeňip, UFC-niň ýeňil agramda çempiony boldy.
Sonneniň aýtmagyna görä, Mahaçew 7-nji maýda Las-Wegasda geçiriljek UFC 288 turnirinde boljak Oliweýra – Beneil Dariuş söweşiniň ýeňijisi bilen söweşde tituly gorar.
UFC 294 turniriniň ýene bir esasy wakasy Şwesiýanyň wekili Hamzat Çimaýew bilen braziliýaly Paulu Kostanyň arasynda orta agramda geçiriljek söweş bolar.
