Super agyr agramda iki gezek dünýä çempiony britaniýaly Entoni Joşua amerikaly Jermeýn Franklin bilen söweşde ýeňiş gazandy. Söweş meýilleşdirilen 12 raund hem dowam etdi we onuň netijesinde emin agzalary ýeňşi biragyzdan britaniýaly öňki dünýä çempionyna berdiler – 118-110, 117-111, 117-111.
Ýatlap geçsek, bu çykyş 33 ýaşly Joşua üçin 2022-nji ýylyň awgustyndan bäri birinji boldy, şonda ol WBA Super, IBF we WBO titullarynyň häzirki eýesi ukrainaly Aleksandr Usikden ýeňildi. Franklin noýabr aýynda emin agzalarynyň karary bilen britaniýaly Dillian Uaýtdan ýeňildi.
Joşua professional boksdaky 28 söweşinde 25-nji ýeňşini gazandy. Franklin 21 ýeňiş bilen ikinji ýeňlişine sezewar boldy.
