Madridiň “Realynyň” fransiýaly hüjümçisi Karim Benzema karýerasyny Saud Arabystanynyň klublarynyň birinde dowam etdirip biler. Bu barada gazeta.ru habar berýär.
Çeşmäniň maglumatlaryna görä, hüjümçiniň Madridiň klubunyň düzüminde mundan beýläk-de çykyş etjegine doly ynamy ýok. Şeýle-de, onuň eýýäm Saud Arabystanyndan karýerasyny tamamlamak üçin özüne laýyk bir teklibiniň bardygy habar berilýär.
Şol bir wagtyň özünde, “Real” heniz fransiýaly oýunçy bilen täze şertnama baglaşmady.
Şu möwsümde 35 ýaşly futbolçy La Ligada 16 oýna gatnaşyp, 11 gol girizdi we üç netijeli geçirim etdi.
