4-6-njy aprelde Söwda-senagat edarasynda Türkmenistanyň Söwda toplumynyň sergisi geçiriler. Bu barada «Neýtranyý Türkmenistan» gazetinde habar berildi.
Üç günläp dowam etjek sergide oňa gatnaşyjylar ýurdumyzyň eksport kuwwaty, türkmen topragynda bitýän datly önümleriň dürli görnüşleri, ýerli telekeçileriň öndürýän önümleri, dokma senagatynyň gazananlary, türkmen el halylary, şeýle-de “Türkmenistanda öndürildi” nyşanly harytlaryň örän köp görnüşleri bilen tanşyp bilerler.
Bu sergi, öz gezeginde, söwda toplumynyň wekillerine hem-de işewürlere öz önümlerini, hyzmatlaryny görkezmäge, hyzmatdaşlar bilen giň gatnaşyklary ýola goýmaga mümkinçilik döreder.
Serginiň iş wagty:
4-5-nji aprel— 10.00-dan 18.00-a çenli
6-njy aprel—10.00-dan 17.00-a çenli
Salgysy: Aşgabat ş., Çandybil şaýoly, 143.
Habarlaşmak üçin telefon belgiler: 39-89-33, 39-88-84 (83) (82)
