«Mançester Sitiniň» ýarym goragçysy Kewin De Brýuýne Belgiýanyň milli futbol ýygyndysynyň kapitany boldy diýip, milli toparyň metbugat gullugy habar berdi.
Ýarym goragçy bu orunda «Realyň» oýunçysy, 2022-nji ýylda Katarda geçen dünýä çempionatyndan soň milli ýygyndy bilen hoşlaşan Eden Azaryň ornuny tutdy. «Realyň» derwezebany Tibo Kurtua bilen Milanyň «Interiniň» hüjümçisi Romelu Lukaku wise-kapitanlar boldy.
"Buýsançly pursat. Men milli ýygyndyda köp wagt bäri oýnaýaryn, ýöne bu ýurda şeýle görnüşde wekilçilik etmek meniň üçin uly hormat. Bu keşbi gowy ýerine ýetirip bilerin diýip umyt edýärin" - diýip, Sporza 31 ýaşly De Brýuýneniň sözlerini getirýär.
De Brýuýne Belgiýanyň milli ýygyndysy üçin 97 oýunda 25 gol geçirdi.
Täze tälimçi Domeniko Tedeskonyň ýolbaşçylygyndaky belgiýalylar anna güni Stokgolmda geçiriljek Ýewropa çempionaty 2024-iň saýlama oýunlarynyň birinji ýarymynda Şwesiýa bilen duşuşar.
