Ispaniýanyň çempionatynyň 26-njy tapgyrynda «Barselona» Madridiň «Realyndan» üstün çykdy.
Barselonada «Kamp Nouda» geçirilen duşuşyk 2:1 hasabynda tamamlandy, katalonlylardan ýeňiş goluny 90+2-nji minutda ýarymgoragçy Frank Kesse geçirdi. Şeýle hem «Barselonadan» Serji Roberto (45) gol geçirdi. Duşuşygyň başynda (9) katalonlylardan Roland Arauho öz derwezesine gol geçirdi.
Bu duşuşyk iki klubuň taryhynda 1916-njy ýyldan bäri 254-nji özara duşuşygy boldy. «Real» bilen «Barselonanyň» hersi 101 gezek ýeňiş gazandy, şeýle hem klublar 52 gezek deňme-deň oýnadylar.
Ispaniýanyň çempionatynda «Barselonada» 26 tapgyrdan soň 68 utuk bar, «Real» 56 utuk bilen ikinji ýerde barýar.
