UFC promouşeniniň prezidenti Dana Uaýt çeçen gelip çykyşly şwesiýaly pälwan Hamzat Çimaýewiň indiki söweşini orta agram derejesinde geçirjekdigini habar berdi.
“Hawa, Çimaýew orta agram derejesinde söweşer. Indi Hamzatyň şeýle ýagdaýda, bu agramda dünýäniň iň gowy üçlüginiň biri bilen duşuşmalydygyna şek ýok " - diýip, MMAJunkie Uaýtyň sözlerini getirýär.
Häzir UFC-niň orta agramdaky çempiony - Aleks Pereýra, ol UFC 287-de sanawyň 1-nji belgisindäki Israel Adesanýa bilen söweşer. Ikinji we üçünji orunlarda Robert Uittaker we Jared Kannonýe durýar.
Hamzat Çimaýew professional garyşyk başa-baş söweşinde 12 tutluşyk geçirip, olarda 12 ýeňiş gazandy. Pälwanyň soňky söweşi geçen ýylyň sentýabr aýynda Kewin Holland bilen bolup, ony birinji tapgyrda demikdiriji usul bilen ýeňipdi.
