Birinji ýarym orta agramda boks boýunça öňki absolýut dünýä çempiony Konstantin Szýunyň ogly Timofeý Szýu birinji orta agramda Bütindünýä boks guramasynyň (WBO) wersiýasyna görä wagtlaýyn dünýä çempiony titulyna eýe boldy. Bu barada rsport.ria.ru habar berýär.
Ýekşenbe güni Sidneýde geçirilen amerikaly Toni Harrisona garşy söweşde Szýu dokuzynjy raundda tehniki nokaut arkaly ýeňiş gazandy.
Tim Szýu 28 ýaşynda, onuň hasabynda indi 22 ýeňiş (16-sy nokaut bilen) bolup, ýekeje-de ýeňliş ýokdur. 32 ýaşly Harrison Bütindünýä boks geňeşiniň (WBC) wersiýasyna görä öňki çempion we häzirki WBC Silver çempionydyr. Onuň hasabynda 29 ýeňiş (21-isi nokaut bilen), dört ýeňliş we bir deňme-deňlik bar.
