Garyşyk başa-baş söweş sungatynyň (MMA) amerikaly söweşijisi, Absolýut söweş çempionatynyň (UFC) agyr diwizionda çempiony Jon Jons agram kategoriýasyna garamazdan promouşeniň iň gowy söweşijileriniň reýtinginde (P4P) birinji orny eýeledi. Reýtingiň täzelenen görnüşi guramanyň saýtynda ýerleşdirildi diýip, rsport.ria.ru habar berýär.
Ýekşenbe güni Jons UFC-niň Las-Wegasda geçirilen 285-nji belgili turnirinde Fransiýadan Siril Gany ýeňdi. Agşamyň esasy wakasy birinji raundda tamamlandy. Amerikaly demikdiriji usul bilen ýeňiş gazandy.
Russiýaly söweşiji Islam Mahaçew bir orun aşak düşdi we indi P4P reýtinginde üçünji orny eýeleýär.
Jonsyň hasabynda 27 ýeňiş bilen bir ýeňliş bar (bir söweş geçirilmedi diýlip kabul edildi).
