Türkmenistanyň Döwlet daşary ykdysady iş banky täze VISA Virtual bank kartyny işe girizdi, bu kartyň kömegi bilen dünýäniň onlaýn dükanlaryndan eden söwdaňyz üçin hasaplaşyk, şeýle hem daşary ýurt onlaýn hyzmatlary üçin töleg geçirip bilersiňiz.
Gürrüň fiziki göterijisiz sanly kart hakda gidýär. Karty ulanyjy diňe maglumatlary alýar: kart belgisini, hereket ediş möhletini, tassyklaýyş kodlaryny. Bu maglumatlar onlaýn hasaplaşyklary geçirmek üçin ýeterlikdir.
VISA Virtual internetden ygtybarly onlaýn söwda etmek üçin ýörite döredildi. Adam onuň kömegi bilen onlaýn-söwda edip, hyzmatlary sargyt edip, elektron petekleri satyn alyp we myhmanhanalary bron edip biler.
Şeýle-de, wirtual kart arkaly Google Play we App Store-daky ykjam goşundylara ýazylyp bilersiňiz, meşhur daşary ýurt onlaýn-dükanlaryndan satyn alan zatlaryňyzyň puluny töläp bilersiňiz we başgalar.
Kart almak üçin müşderilere diňe pasportyny we onuň göçürmesini ýanlaryna almak ýeterlik, olar Daşary ykdysady iş bankynyň bir şahamçasyna baryp, sowalnamany doldurmaly we başlangyç pul mukdaryny hasaplaryna salmaly. Pul serişdeleri karta ABŞ-nyň dollarynda geçýär we saklanýar.
Goşmaça maglumatlary Türkmenistanyň Döwlet daşary ykdysady iş bankynyň merkezi edarasynda, şeýle hem Aşgabatdaky we Balkan welaýatynyň Türkmenbaşy şäherindäki şahamçalarynda alyp bolar.
