Argentinaly Emiliano Martines FIFA tarapyndan 2022-nji ýylyň iň gowy derwezebany diýlip saýlandy. FIFA-nyň baýrak gowşurylyş dabarasy Parižde geçirildi diýip, rport.ria.ru habar berýär.
Bu baýraga belgiýaly Tibo Kurtua we marokkoly Ýassin Bunu hem dalaşgär görkezilipdi.
Klub derejesinde Angliýanyň “Aston Willasynda” çykyş edýän Martines 2022-nji ýylda Argentinanyň milli ýygyndysynyň düzüminde Katarda geçirilen dünýä çempionatynda ýeňiji boldy. Pleý-offyň dowamynda Martines Argentinanyň milli ýygyndysyna penalti tapgyrynda iki gezek ýeňiş gazanmaga, şol sanda fransiýalylar bilen finalda-da kömek etdi.
Zenanlaryň arasynda bu baýragyň eýesi 2022-nji ýylda Ýewropa çempiony bolan angliýaly Meri Irps boldy.
