“Mançester Ýunaýtediň” futbolçylary Angliýanyň ligasynyň kubogynyň final oýnunda “Nýukasly” utdular. Londonyň “Uembli” stadionynda geçirilen duşuşyk 2:0 hasabynda tamamlandy.
“Mançester Ýunaýtediň” düzüminde Kazemiro gol bilen tapawutlandy (33-nji minut), ýene bir pökgi “Nýukaslyň” oýunçysy Swen Botmanyň awtogolundan soň geçirildi (39-njy minut).
“Mançester Ýunaýted” taryhda altynjy gezek Angliýanyň ligasynyň kubogynyň eýesi boldy. Bu görkeziji boýunça “Liwerpul” liderdir (9 ýeňiş), ikinji – “Mançester Siti” (8). “Nýukasl” ýaryşyň finalynda ikinji gezek we 1976-njy ýyldan bäri ilkinji gezek oýnady.
