Amerikanyň antidoping agentligi 2023-nji ýylda UFC-niň iň köp barlagdan geçirilýän söweşijileriniň sanawyny neşir etdi. Bu barada championat.com habar berýär.
Häzirki wagtda iň köp barlanylýan söweşiji UFC-niň ýeňil diwizionynyň russiýaly çempiony Islam Mahaçew bolup, ony iki aýda eýýäm sekiz gezek barlagdan geçirdiler. Onuň soňky söweşdäki garşydaşy Aleksandr Wolkanowski bolsa alty gezek barlandy.
Ýatlap geçsek, Wolkanowski bilen bolan söweşden soň täze zelandiýaly söweşiji Den Huker Islam Mahaçewiň dikeldiş üçin damja ulanyp, dopinge garşy düzgünleri bozandygyny aýtdy. Wolkanowskiniň toparynyň wekilleri hem Mahaçew tarapyndan düzgün bozulmalaryň bolandygyna subutnamalarynyň bardygyny habar berdiler.
Söweşde Islam Mahaçew eminleriň biragyzdan karar bermegi bilen Aleksandr Wolkanowskiden üstün çykyp, ýeňil agramda UFC-niň çempiony titulyny gorapdy.
