Mekdebe çenli döwür çaganyň duýgularynyň we emosiýalarynyň yzygiderli ösýän döwri hasaplanýar. Usulyýetde 3-6 ýaş döwri çaganyň psihologik ösüş döwrüniň ilkinji tapgyry hasaplanylýar. Dünýä belli Montessori usulyýeti bolsa hut şu döwür üçin niýetlenendir. Dünýäde ykrar edilen bu usulyýet indi Türkmenistanda hem ornaşdyryldy. Bu usulyýet «Perzent» bilim merkezinde ornaşdyryldy.
Italiýaly pedagog, alym, lukman bolan Mariýa Montessori çaganyň ruhy, fiziki, akyl taýdan utgaşykly ösmegi üçin usulyýetini ýyllarboýy kämilleşdirip gelipdir. Montessori lukman hökmünde çaganyň ösmegi üçin duýmagy öwrenmegiň möhümdigine düşünipdir we taýýarlan usuly işlerinde çaganyň motorikasynyň, sensorikasynyň ösüşi arkaly okuw, ýazuw, hasaplamak başarnyklaryny hemmetaraplaýyn ösdürmegiň zerurdygyny göz öňünde tutupdyr. Ondan başga-da, usulyýetde çaganyň özbaşdaklygyny ösdürmek, deň-duşlary bilen arasyny sazlar ýaly ugrukdyrmak, gurşawy boýuna görä taýýarlamak, okuw esbaplary gyzyklanmalaryna görä saýlamak göz öňünde tutulan.
Montessori usulyýeti biziň ýurdumyz üçin täze bolansoň, “Perzent bilim merkezi” ony ilki ene-atalara, bilim işgärlere sapaklarda hödürläp, tejribede durmuşa geçirmek üçin diňleýjileriň 3-6 ýaşly çagalar bilen bilelikde gelmeklerini makullaýar. Merkeziň mugallymlary Montessori usulyýetini daşary ýurt institutlarda özleşdirip, ene-atalara Montessori boýunça öýlerinde hem şert döretmek bilen bagly maslahatlary berýärler.
Okuw merkeziniň ilkinji tapgyry 1-nji martda başlaýar.
Salgysy: Aşgabat ş., Görogly köç., 2 (1-nji gat)
Habarlaşmak üçin telefon belgileri: +993 63 615111; +993 63 273 273; +993 12 273581; +993 12 273587
