“Liwerpula” “Pari Sen-Žermeniň” braziliýaly oýunçysy Neýmar bilen şertnama baglaşmak teklip edildi. Bu barada Football Insider habar berýär diýip, gazeta.ru belleýär.
Çeşmäniň maglumatlaryna görä, angliýaly topara hüjümçini 80 – 90 mln ýewro almak teklip edildi. Mundan başga-da, Neýmar “Mançester Siti”, “Mançester Ýunaýted” we “Nýukasl” toparlaryna hem hödürlendi.
Öň, HBS “PSŽ-niň” Neýmardan aýrylmagy meýilleşdirýändigini we her ýyl şertnamada göz öňünden tutulan 36 mln ýewrony tölemezlik üçin 31 ýaşly oýunçyny mugt goýbermäge taýýardygyny habar berdi. Eger “PSŽ” Neýmar bilen şertnamany möhletinden ir ýatyrsa, 144 mln ýewro tygşytlar. Klub şeýle abraýly oýunçy özünde çykyş etmeli däl diýip hasaplaýar.
Neýmar “PSŽ-de” 2017-nji ýyldan bäri çykyş edýär. Futbolçynyň klub bilen şertnamasy 2027-nji ýyla çenli niýetlenýär.
