Maşgala agzalaryň, dostlaryň, işdeşleriň bilen ýygnanyşyp, köz ýakyp, çişlik etmegiň aýratyn lezzeti bar. Ýanyp duran közde çişligi özüň bişirmegiň lezzetiniň aýratyndygyna hiç kim garşy çykmasa gerek?! Tagamy özbaşdak taýýarlamagyň lezzetini taýýar tagamy sargyt etmekden pesde goýmaýanlar köp. Dostlaryň bilen kafede ýygnanyşyp, menýuny alyp, islän tagamyňy sargyt etmek bir zat, emma şol tagamy dostlaryň bilen bilelikde taýýarlamak düýbünden başga zat.
Daşary ýurtlarda müşderileriň özleriniň tagam taýýarlamaklary üçin şertleri döredip berýän kafe-restoranlar barada eşiden bolsaňyz gerek. Bu tejribäni Aşgabatda Magtymguly şaýolunyň ugrunda ýerleşýän «Garagum Barbeque» kafesi eýýäm ençeme wagt bäri üstünlikli ulanyp gelýär.
«Garagum Barbeque-da» müşderileriň özleriniň çişlik edip bilmekleri üçin ýörite şertler döredilipdir. Ýörite gurnalan kabinkalarda müşderilere köz taýýarlanyp goýulýar, şompula düzülen çişlik getirilip berilýär. Müşderilere diňe taýýar közde çişligi bişiräýmek galýar. Işden soň argynlygyňy aradan aýyrmak, dostlaryň bilen wagtyňy gyzykly geçirmek üçin oňat mümkinçilik.
Mangalda diňe bir çişlik däl, eýsem, gök-önümleri beýleki tagamlary hem taýýarlap bolýar. Közde gaýnan tüňçe çaýy hem ýatdan çykarmaň!
Çişlik bişiresi gelip, emma mundan başy çykmaýanlar hem alada galyp oturmaly däl. «Garagum Barbeque-nyň» işine ussat aşpezleri size çişlik bişirmekde gymmatly maslahatlaryny bererler.
Galyberse-de, «Garagum Barbeque» baý menýusynyň bardygyny hem ýatladýar.
Çişligi özüň bişirmek üçin niýetlenen kabinkalary öňünden sargyt esasynda belledilýär!
Iş wagty: 10:00-23:00
Salgysy: Magtymguly şaýoly, «Garagum» magaziniň gapdaly
Habarlaşmak üçin: +99363199777
