Transfermarkt portaly nobatdaky reýtingini hödürledi. Bu reýtingde öz ýurtlaryndan daşynda çykyş edýän orta aziýaly oýunçylar görkezilýär diýip, www.euro-football.ru habar berýär.
Birinji orny Özbegistandan “Spesiýanyň” 27 ýaşly hüjümçisi Eldor Şomurodow eýeledi. Onuň bahasyny portal 7 mln ýewro diýip hasaplaýar. Ikinji orunda Gazagystandan Moskwanyň “SSKA” klubunda oýnaýan 24 ýaşly oýunçy Baktiýor Zaýnutdinow ýerleşdi. Oýunçy 5 mln ýewro bilen bahalandyrylýar.
Üçlügi Özbegistandan Kriştianu Ronaldunyň klubdaşy, Saud Arabystanynyň “Al-Nasr” klubunyň ýarym goragçysy Žaloliddin Maşaripow jemleýär. Portal 29 ýaşly oýunçyny 2,5 mln ýewro bilen bahalandyrdy.
