Garyşyk başa-baş söweş sungatynyň russiýaly söweşijisi Islam Mahaçew awstraliýaly Aleksandr Wolkanowski bilen oktagonda ýene-de duşuşmaga razy boldy. Bu barada sovsport.ru belleýär.
“Näme üçin bolmaz? Hany bakaly. Eger UFC rewanş guramak islese, men taýýar” – diýip, Mahaçew Main Event YouTube ýaýlymyna beren interwýusynda belledi.
Rewanş baradaky gürrüňe Wolkanowskiniň hem nähili garaýandygy bilen gyzyklanyldy. Ol bu soraga: “Geliň, muny gurnalyň. Ylalaşdyk. Hiç hili sorag ýok, boluň, haýal etmän rewanş geçireliň” diýip, jogap berdi.
Ýatladyp geçsek, türgenleriň arasyndaky ilkinji söweşde Mahaçew üstün çykdy. Söweş bäş raund dowam etdi we Mahaçew emin agzalarynyň biragyzdan karary bilen ýeňiş gazandy.
