Garyşyk başa-baş söweş sungatynyň (MMA) russiýaly söweşijisi Islam Mahaçew awstraliýaly Aleksandr Wolkanowskiden üstün çykyp, ilkinji gezek ýeňil agramda Absolýut söweş çempionatynyň (UFC) titulyny gorady.
Bu tutluşyk Awstraliýanyň Pert şäherinde geçirilen UFC 284 turniriniň esasy wakasy bolup, bäş raund dowam etdi. Mahaçew emin agzalarynyň biragyzdan karar bermegi bilen ýeňiş gazandy.
Mahaçew 31 ýaşynda, onuň hasabynda 24 ýeňiş we bir ýeňliş bar. Indi russiýaly söweşiji 12 ýeňişden ybarat tapgyrda barýar. Ýarym ýeňil diwizionda UFC-niň guşagyny saklamagy dowam etdirýän 34 ýaşly Wolkanowskiniň hasabynda bolsa 25 ýeňiş bilen iki ýeňliş bar.
